რეალ სოსიედადი - ბარსელნა - მატჩის პრევიუ

ესპანეთის კოპა დელ რეის 1/4 ფინალური რაუნდის პირველ მატჩში, "სოსიედადის" მეტოქე "ბარსელონა" იქნება. შეხვედრა სან-სებასტიანში, თბილისის დროით, 00:15 საათზე დაიწყება.

სავარაუდო შემადგენლობები

სოსიედადი: რული - ლიტრი, ელუსტონდო, მარტინესი, ბერჩიჩე - პრიეტო, ილარამენდი, ზურუტუზა - ხუანმი, ხოსე, ოიარზაბალი ბარსელონა: სილესენი - რობერტო, პიკე, უმტიტი, ალბა - ბუსკეტსი, ინიესტა, რაკიტიჩი - მესი, სუარესი, ნეიმარი

მწვრთნელების წინასამატჩო კომენტარი

ეუსებიო საკრისტანი - "ამ შეხვედრას დიდი შემართებით ვხვდებით. ჩვენი მიზანი მხოლოდ და მხოლოდ კოპა დელ რეის 1/2 ფინალში გასვლაა და ამისთვის ყველაფერს გავაკეთებთ. ჩვენ არა "ბარსელონაზე", არამედ ჩვენს თავზე უნდა ვიფიქროთ და რაც შეიძლება ნაკლები შეცდომა დავუშვათ. "ანოეტაზე" საკმაოდ კარგად ვთამაშობთ, რაც დღესაც დაგვეხმარება. ვფიქრობ, რომ ნებისმიერი გუნდისთვის ანგარიშგასაწევ ძალას წარმოვადგენთ და ვიმედოვნებ, დღეს ამას დავამტკიცებთ" ლუის ენრიკე - "ბოლო პერიოდში, "სოსიედადთან" ჩატარებული შეხვედრებით თუ ვისმჯელებთ, აშკარა იყო, რომ გუნდმა გვაჯობა და მოგებასაც იმსახურებდა. ვიმედოვნებ, რომ შეხვედრა დღეს სხვანაირად წარიმართება და ყველაფერი ჩვენს სასიკეთოდ დასრულდება. "ანოეტაზე" ნანატრი გამარჯვების მოსაპოვებლად, ყველაფერს გავაკეთებთ" - განაცხადა ენრიკემ

#მატჩისპრევიუ #ბარსელონა